| Text | […] doibt avoir une cloche sur chacune desdictes portes, que lon puisse ouyr par toute la ville: doibt ausi avoir un guet en la maison de la ville, ou en quelque autre maison, qui peult estre au milieu de la ville, & pres de quelque place: & doibt ladicte maison avoir une cloche plus grande & plus grosse que celle desdictes portes, affin qu’elle soit congneue: & y doibt tousiours avoir un homme aupres, pour faire le guet pour le feu, & pour scavoir à dire, si les portes font leur debvoir de respondre de leurs cloches à ladicte cloche quand elle sonnera, & en avertir le capitaine du guet: laquelle fauldra ausi sonner à l’arme, quand il orra sonner à l’une desdictes cloches, & dire ou c’est |
|---|
