| Text | De signo vocali predicto scriptum est, quod clamor non debet attoli, priusquam acies utraque se iunxerit. Imperitorum et ignavorum est, vociferare de longe. Quare cavendum est, ne tumultus vel clamor fiat, quando acies ordinantur, ne tumultus impediat quin bene audiatur vox ordinantiis acem et ducetnis. In ipso vero congressu predictum vocale signum debet attolli propter predictam causam et parum cogitat de tumultu, qui de arte ac viribus gerit fiduciam. Et tunc, cum in ipso tumultu vox ducentis et gubernantis exercitum audiri non possit, tunc signa reliqua omnes imitentur, scilicet ea, que per vexilla et que per tubas, uncina et cornua fiunt. De quorum imitatione dixit Vegetius, quod nichil magis ad victoriam proficit, quam monitis obtemperare signorum; que quidem signa exercitatis, de quorum strennuitate maior fiducia, dari debent. |
|---|
