| Text | Wiewol vormalß von einem erbern rath [...] verboten ist, nachtz nach zweien horen in die nacht auff der gassen zu geen, auch geschray und unzucht zu vermeiden, yedoch nachdem soliche eins rats gesetze von etlichen frevelich verachtet und übertretten werden, daz dann nicht allein geistlichen personen an ir andacht, sunder auch krancken menschen an ir nachtrwe nit wenig verhinderung bringet, hierumb das zufürkomen, laßt ein rath hie menigleich warnen und vermanen, solichs gesetz ze halten [...]. |
|---|
