| Text | Et pource que souvent alarmes se meuvent dedans un host de peu de chose, sans ce qu’il vienne de dehors, les acoustes, quelque alarme qui vienne, ne se doibvent bouger de leur lieu: & debvez incontinent envoyer devers eulx archiers ou trompettes, & leur bailler le cry pour scavoir s’il n’y a riens de nouveau, toutesfois vous apprestant tousiours comme si c’estoit à bon escient: car il vault mieulx estre armé dix fois à faulte, que d’estre prins une fois en defroy. |
|---|
