| Text | Et au soleil couchant, doibt le mareschal de l’host avoir les acoustes prests, & bien regarder qu’il y en ait autant qu’il en doibt avour, pour les faire partir & aller à leur garde: & doibt envoyer avec, un officier d’armes ou trompettes, devers le seigneur ou lieutenant, & luy demander le cry qu’il luy plaist bailler pour la nuict: lequel quand il l’aura, le doibt bailler au mareschal des logis, pour le bailler au chief d’acoustes: lesquels se doibvent asseoir de grand iour, affin qu’ils voyent mieulx leurs avenues: & doibvent estre si pres de l’host, qu’ils ne puissent estre coupez de leurs ennemis: & ne doibt on dire le cry à nuls que aux chiefs desdictes acoustes, iusques à ce que lon soit asseuré que elles soient toutes asises, là ou elles doibvent estre: & apres le peult on donner aux chiefs & capitaines qui l’envoyeront demander: & specialement à ceulx qui seront ordonnez pour les gros guets de la nuict, & audict guet qui pourront estre ordonnez |
|---|
