| Text | Dieweil auch durch das vnzimblich Gassen geschray Schmach, vnd Schanndt lyeder, die Leut bey tag, vnd nach nacht vil belaydigt werden, daraus zuzeiten grosser vnlust, Rumoren, vnd annder beweglich, vnd tatlich Hanndlungen eruolgen, So söllen Stat Richter, Burgermaister, vnd Rate auf die Ihnen, die yemandts geistlichen, oder weltlichen personen, in was Standt, die sein, mit lauttmärn wortten, bößlich nach Reden, schanndt, vnd schmach lyeder, oder schrifften von Inen singen, oder sonnst aufbringen, vnd annders, das sey mit wortten, oder mit der that yemandts zu schimpf, schmach, oder verlezung seines gueten leymbden thun Ir vleissig aufmerkhen haben […]. |
|---|
